अमळनेर प्रतिनिधी--कोरोनाचा संसर्ग टाळण्यासाठी अमळनेर येथील विप्रो कंपनी कडून तालुक्यातील कळमसरे गावातील प्रत्येक घरातील व्यक्तिंना संतूर साबण आणि मास्क वाटप करण्यासाठी पुरविण्यात आले होते. सदर मास्क व साबण ग्रामपंचायतच्या मार्गदर्शनाखाली गावातील अंगणवाडी सेविका, मदतनीस,आशा स्वयंसेविका यांनी घरोघरी जाऊन वाटप केले.सदर कमात ग्रामपंचायत कर्मचाऱ्यांनी सहकार्य केले. परिणामी गावातील रहिवाशांनी विप्रो कंपनीच्या या उपक्रमाचे कौतुक केले.
