*भाजपा शिक्षक आघाडीची राज्यशासनाकडे मागणी*
मुंबई (प्रतिनिधी) शैक्षणिक वर्ष २०१९-२० एप्रिल अखेर संपत असून त्यानंतर अधिकृतरित्या शाळांना उन्हाळी सुट्ट्या लागणार असल्याने शिक्षकांना त्यांच्या मूळगावी जाण्याची परवानगी द्यावी अशी मागणी भाजपा शिक्षक आघाडीने राज्यशासनाकडे केली आहे
भाजपा शिक्षक आघाडीचे मुंबई-कोकण विभाग संयोजक अनिल बोरनारे यांनी राज्याचे मुख्यमंत्री उद्धव ठाकरे व गृहमंत्री अनिल देशमुख यांना पत्र लिहून ही मागणी केली आहे.
कोविड-१९ च्या प्रादुर्भावामुळे लॉकडाऊन सुरू असून जिह्याच्या बाहेर प्रवासास बंदी करण्यात आली आहे. शाळांना उन्हाळी सुट्टी २ मे पासून आहे. उन्हाळ्यात दीर्घ सुट्ट्या असल्याने अनेक शिक्षक वर्षातून एक वेळा आपल्या मूळ गावी जातात. आई-वडिलांची भेट घेतात परंतू लॉकडाऊन मुळे प्रवासास बंदी आहे त्यामुळे शिक्षकांना त्यांच्या मूळ गावी जाण्यास विशेष परवानगी द्यावी अशी मागणी शिक्षकांकडून करण्यात येत असल्याचे अनिल बोरनारे यांनी सांगितले.
