बाबुलाल पाटील यांचा एल आय सी तर्फे सत्कार
कळमसरे ता.अमळनेर---
कुठल्याही क्षेत्रात यश संपादन करायचे असेल तर ध्येय निश्चित करावे लागते.आणि ध्येय्याने प्रेरित होऊन कार्य केल्यास यश मिळल्याशिवाय राहत नाही. असे प्रतिपादन एल आय सी नाशिक विभागाचे सेल्स मॅनेजर प्रदीप जोशी यांनी अमळनेर येथील एल आय सी चे प्रतिनिधी बाबुलाल पाटील यांनी विमा व्यवसायात जागतिक क्षेत्रातील प्रतिष्ठीत मानला जाणारा एम डी आर टी (USA) 2019 हा बहुमान अमळनेर शाखेत प्रथम मिळविल्याने त्यांचा जाहीर सत्काराचा कार्यक्रमाचे आयोजन अमळनेर एल आय सी तर्फे आयोजित सत्कार समारंभात केले .
याप्रसंगी आमदार स्मिता वाघ,माजी आमदार कृषिभूषण साहेबराव पाटील ,डॉ. बी एस पाटील,सुरत येथील प्रतिष्ठीत बिल्डर युवराज पाटील, देशदूत चे संपादक अनिल पाटील,जिल्हा परिषद सदस्या जयश्री पाटील, तालुकाकृषिअधिकारी भरत वारे,मारवड पोलीस ठाण्याचे सहायक पोलिस निरीक्षक राहुल फुला, शाखाधिकारी महेंद्र ठाकुर सेवानिवृत्त विकास अधिकारी गणेश रावतोळे, विकासाधिकारी संजय शेटे आदींची प्रमुख उपस्थिती होती.
यावेळी बाबुलाल पाटील यांचा मान्यवरांच्या हस्ते सपत्नीक सत्कार करण्यात आला. आमदार स्मिता वाघ यांनी एल आय सी चे महत्त्व सांगीतले .अडचणीतून मार्ग शोधण्याचे काम आणि जीवन जगण्याचे साधन म्हणून एल आय सी करते. विकासाधिकारी गणेश रावतोळे यांनी जीवन के साथ आणि जीवन के बाद अशी एकमेव साथ देणारी एल आय सी ही परिवाराचे सुख दुखाची साथीदार असल्याचे त्यांनी सांगितले.तर माजी आमदार डॉ. बी एस पाटील यांनी बाबुलाल पाटील यांनी केलेले एल आय सी चे काम हजारो कुटुंबातील सदस्यांना संकट काळात नक्कीच कामात येईल.
देशदूतचे संपादक अनिल पाटील यांनी सांगितले की प्रत्येक क्षेत्रात स्पर्धा झाली आहे.आणि त्यात तोच व्यक्ती टिकू शकतो जो ध्येय वेडा होतो.जिल्हा परिषद सदस्या जयश्री पाटील , नंदुरबार येथील विकासाधिकारी हिरालाल महाजन,शाखाधिकारी महेंद्र ठाकूर यांनी मनोगत व्यक्त केले.
विकास अधिकारी संजय शेटे यांनी प्रास्ताविकात बाबुलाल पाटील यांनी केलेले एम डी आर टी (USA)चे ध्येय सांगितले .कार्यक्रमाचे सूत्रसंचालन व आभार पत्रकार संजय पाटील यांनी मानले.यावेळी उपसरपंच मुरलीधर महाजन, पिंटू राजपूत,प्रा.अशोक पवार ,महेंद्र बोरसे,सचिन पाटील,मुख्तार खाटीक,भागवत पाटील,जी टी टाक, धुळे येथील एल आय सी चे अनिल बेदमुथा गं.का.सोनवणे,ऍड. एस आर पाटील,अरुण चौधरी,अशोक चौधरी, दिलीप पाटील,प्रवीण माळी,सुदाम चौधरी, प्रा.सुरेश महाजन, कृष्णा पाटील,उपशाखाधिकारी वानखेडे, अहिरराव साहेब,किरण महाजन, काशीनाथ महाजन, नगराज महाजन, सुकलाल महाजन, विकासअधिकारी, तुषार झेंडे, आर. बी.पाटील, अजय रोडगे, नितिन पाटील, शहरी व ग्रामीण पत्रकार आदी उपस्थित होते. कार्यक्रम यशस्वीतेसाठी एल आय सी चे कर्मचारी ,प्रतिनिधी यांनी परिश्रम घेतले.
