 |
पुरातन विभागाचा हलगर्जीपणा नडला
पावसामुळे अजून बुरुज कोसळण्याची शक्यता,दरवाजा परिसरात संचारबंदी लागू*
*अमळनेर :- शहराचे वैभव असलेला पुरातन दगडी दरवाजाचा एक भाग आज दि. २४ रोजी रात्री पावसामुळे कोसळला आहे. सुदैवाने कोणतीही जीवीत हानी यात झालेली नाही.घटनास्थळी मोठी गर्दी झाली असताना पावसात अजून बुरुज कोसळण्याची शक्यता असल्याने तहसीलदार ज्योती अहिरे यांनी कलम 144 अन्वये संचारबंदी लागू केली आहे.
माजी आ कृषिभूषण साहेबराव पाटील व राष्ट्रवादीचे नेते अनिल भाईदास पाटील यांनी तरुणांना आवाहन केल्याने तरुणांची गर्दी कमी झाली .दगडी दरवाजा हा अमळनेर शहराचे वैभव मानले जाते. हा दरवाजा अत्यंत जुना असुन तो पुरातन विभागाच्या अखत्यारीत येतो. दरवाज्याला काही दिवसांपूर्वी एका गाडीने जोरदार धडक लागली होती. त्यामुळे त्या वेळी दरवाज्यास हानी पोहचली होती. नंतर गेल्या तीन दिवस आगोदर जिल्हा नियोजन समितीचे सदस्य पंकज चौधरी यांनी पुरातन विभागाला पत्र देऊन या बाबत माहिती दिली होती. मात्र तरी देखील पुरातन विभागाला जाग आली नाही. व आज दगडी दरवाजा पुर्वी कडील एका बाजूने कोसळला आहे. या बाबत संबंधित अधिका-यांवर तत्काळ कारवाई करण्यात यावी अशी मागणी पंकज चौधरी यांनी केली आहे.
दरम्यान घटनास्थळी प्रांताधिकारी सीमा अहिरे,तहसीलदार ज्योती देवरे व पोलीस निरीक्षक अंबादास मोरे यांनी नागरपरिषदेच्या जेसीबी द्वारे ढीग उचलण्याचा प्रयत्न केला मात्र पुरातत्व विभागाच्या परवानगी ची अडचण असल्याने काम थांबविण्यात येऊन संपूर्ण यंत्रणा माघारी फिरली.रात्री उशिरा आरसिपी पंथकाने हा परिसर ताब्यात घेतला होता.कृपया हा परिसर धोकेदायक झाला असल्याने येथून सकाळी वापरताना नागरिकांनी दक्षता घ्यावी.
