अमळनेर प्रतिनिधी(ईश्वर महाजन)
- 2005 पूर्वी नियुक्त कर्मचाऱ्यांना टप्प्याटप्प्याने अनुदानावर आलेल्या शाळातील सर्व कर्मचारी यांना जुनी पेन्शन मिळावी यासाठी गेल्या तीन दिवसापासून मुंबई येथे आझाद मैदानावर राज्यातील शिक्षक व शिक्षकेतर कर्मचारी उपोषणाला बसलेले आहेत. जुनी पेन्शन संघर्ष समितीच्या अध्यक्षा संगीताबाई शिंदे यांच्या नेतृत्वाखाली हा लढा सुरू आहे या दोन ते तीन दिवसांमध्ये अनेक शिक्षक आमदार पदवीधर आमदार यांनी उपोषणस्थळी भेट देऊन जाहीर पाठिंबा दिला आहे.
पावसाळी अधिवेशन मुंबई येथे मा.दिपीका ताई चव्हाण आमदार बागलान जि.नाशिक यांनी जुनी पेन्शन योजना लागू करण्याची लक्षवेधी मागणी मांडली.चव्हाण ताईंचे संघर्ष समितीच्या वतीने मनापासून अभिनंदन करण्यात आले. महाराष्ट्र राज्याचे माजी उपमुख्यमंत्री अजित पवार यांनीही 2005 पूर्वीच्या शिक्षक व शिक्षकेतर कर्मचाऱ्यांना जुनी पेन्शन मिळालीच पायल अधिवेशनात लक्षवेधी केली त्यांचेही मी पेन्शन संघर्ष समितीच्या वतीने अभिनंदन करण्यात आले आहे.
जुनी पेन्शन संघर्ष समितीचे जळगाव जिल्हा अध्यक्ष संभाजी पाटील यांच्याशी संपर्क साधला असता ते म्हणाले की जुनी पेन्शन संघर्ष समितीचे आझाद मैदानावरील उपोषण यशस्वी झाल्याशिवाय राहणार नाही. दोन ते तीन दिवसापासून राज्यातून अनेक शिक्षक व शिक्षकेतर कर्मचारी मोठ्या संख्येने आझाद मैदानावर आपल्या हक्काच्या प्रश्नासाठी उपस्थित राहिला आहे त्यामुळे हे उपोषण वाया जाणार नाही असे सांगत ते पुढे म्हणाले की उद्या शालेय शिक्षण मंत्री अर्थमंत्री यांनी जुनी पेन्शन संघर्ष समितीच्या पदाधिकाऱ्यांना चर्चा करण्यासाठी बोलवले आहे यातून काय मार्ग निघेल उद्या हे निश्चित समजेलच असे त्यांनी सांगितले. जळगाव जिल्ह्यातील सर्व तालुका अध्यक्ष व शाळेतील कर्मचारी मोठ्या संख्येने आझाद मैदानावर उपस्थित आहेत.
