अंचळगाव तांडा येथे मोफत गणवेष वाटप सं
म्पन्न.
 |
अमळनेर प्रतिनिधी
अंचळगाव तांडा येथील जिल्हा परिषदेच्या शाळेत समग्र शिक्षा अनुदान अंतर्गत सर्व पात्र लाभार्थ्यांना शालेय मोफत गणवेशाचे वाटप शाळा व्यवस्थापन समितीचे अध्यक्ष रविंद्र रणजित राठोड व उपस्थित मान्यवरांचे हस्ते करण्यात आले.यावेळी शाळा व्यवस्थापन समिती सदस्य , ग्रामपंचायत सदस्य , शिक्षक पालक संघाचे सदस्य, अंगणवाडी सेविका ,मदतनिस, आशा स्वंयसेविका आणि शिक्षणप्रेमी नागरिक आणि विध्यार्थी पालक मोठ्या संख्येने उपस्थित होते.यावेळी मुख्याध्यापक सुरेंद्र बोरसे यांनी शासनाच्या विविध शालेय योजनांची माहिती उपस्थितांना दिली व आपल्या शाळेमार्फत सर्व पात्र लाभार्थ्यांना शाळा व्यवस्थापन समितीने लाभ मिळवून देण्यात सहकार्य केल्याचे सांगितले .प्रत्येक लाभार्थ्यास एक टाय आणि बेल्ट मुख्याध्यापक सुरेंद्र बोरसे यांनी आपल्या स्तरावरून उपलब्ध करून दिले.त्यामुळे मुलांमध्ये चैतन्याचे वातावरण पहावयास मिळाले . यावेळी कार्यक्रमास तुळशीराम राठोड , गीताबाई राठोड , विजय पवार , अनिल चव्हाण , मेनका चव्हाण , पूजा राठोड , कनिराम राठोड , संतोष चव्हाण यांची प्रमुख उपस्थिती होती.
