*अमळनेर तालुक्यासह परिसरासाठी संजिवनी ठरणारे पाडळसरे धरण शासनाच्या दुर्लक्षामुळे, निधी अभावी अपूर्णावस्थेत पडलेले आहे!*
अमळनेर प्रतिनिधी (ईश्वर महाजन)
धरण पूर्तीच्या मागणीसाठी ५ एप्रिल ला अमळनेरकर उत्स्फूर्त पणे प्रचंड मोर्चाच्या माध्यमातून रस्त्यावर उतरले होते.
●त्यावेळी मोर्चेकर्यांच्या मागण्यांबाबत जलसंपदा मंत्री ना.गिरिषभाऊ महाजन यांनी दूरध्वनी हुन आश्वासन देत "शासन स्तरातून धरण पूर्ण करण्यासाठी तातडीने प्रयत्न करण्यात येईल,महिन्याभरात बैठक आयोजित करण्याचे व शासनाच्या योजनेतून निधी उपलब्ध करून देण्यात येईल" असे जाहीर आश्वासन दिले होते.
●मात्र अनेक महिने लोटले तरी कोणतीही कार्यवाही धरणास निधी उपलब्धतेबाबत झालेली दिसत नाही.
●नुकतेच राज्यातील अनेक धरणांसाठी शासनाने निधी जाहिरपणे उपलब्ध करून दिला मात्र पाडळसरे धरणाबाबत मंत्री महोदयांनी खोटे आश्वासन देवून मोर्चे कऱ्यांच्या तोंडाला पाने पुसली .असे स्पष्ट झाले यामुळे तालुक्यातील जनतेत संताप व्यक्त करण्यात आला.
*धरणाबाबतच्या शासनाच्या उदासीनतेचा निषेध आजच्या भीक मागो आंदोलनाच्या माध्यमातून करण्यात आला.*
● शासनाकडे पाडळसरे धरणपूर्ण करण्यासाठी पैसा नाही या निषेधार्थ शासनाला निधी देण्यासाठी आंदोलन समितीच्यावतीने "भीक मांगो आंदोलन" करण्यात आले.
●डॉ.बाबासाहेब आंबेडकर चौकातून आंदोलन कर्त्यांनी भीक मागायची झोळी फिरवत आंदोलनास सुरवात केली.
●सर्वसामान्य माणसं,व्यापारी,भाजी, फळ विक्रेते, गोर गरीब महिला ,तरुण ,तरुणी यांनी उत्स्फूर्त पणे या आंदोलनातील भिकेच्या झोळीत भीक घातली.
●पचकंदील चौक,गूळ बाजार,दगडी दरवाजा,सराफ बाजार, कुंटे रोड, फळ बाजार,लालबाग शॉपिंग,महाराष्ट्र्बँक,
भाजी बाजार,सुभाष चौक,नगर पालिका शॉपिंग,अंबर हॉटेल,
जिल्हा बँक,बसस्टँड,
धुळे रोड,विजय मारुती, विश्राम गृह,बळीराजा स्मारक मार्गे प्रांताधिकारी कार्यालयावर भीक गोळा करीत आंदोलन कर्ते पोहचले
●"पाडळसरे धरणास निधी मिळालाच पाहिजे"
"धरण पूर्ण झालेच पाहिजे" च्या घोषणा देत ,भीक मागण्यांचे गाणे वाद्यवृंदासह वाजवत भीक मांगो कार्यक्रम लक्ष वेधक ठरला.
● कचेरी आवारात "धरणासाठी भीक द्या हो भीक द्या" गाणे टाळ वाजवीत ढोलक वाद्यांच्यासाथीने सामूहिक पणे म्हणण्यात आले. गोळा करण्यात आलेली भीक कचेरी आवारातच आंदोलन कर्त्यांच्या वतीने मोजण्यात आली .
● *एकूण ९७१९रुपये५०पैसे इतकी जमलेली भीक* आंदोलनकर्ते यांनी तहसीलदार प्रदिप पाटिल यांना निवेदनासोबत देऊ केली.
●तहसीलदार यांनी आंदोलन कर्त्यांचे *केवळ निवेदन स्वीकारले ,*
आंदोलनकर्ते सुभाष चौधरी, शिवाजी पाटिल,सुनिल पवार,
देविदास दिसले,
प्रशांत भदाणे, रणजित शिंदे,योगेश पाटिल,
नावेद शेख, गुलाम नबी यांनी जमलेली भीक शासनासाठी गोळा केली असल्याने तहसीलदार यांनी स्वीकारावी असा आग्रह धरला.
●मात्र तहसीलदार यांनी नम्रपणे सदर भिकेच्या निधीस स्वीकारण्यास असमर्थता दर्शविली.
● सदर निधी अखेर मुख्यमंत्री निधीत सादर करण्याचे ठरले
●या *भीक मांगो इशारा आंदोलनाची दखल शासनाने न घेतल्यास* यापुढे पाडळसरे धरण आंदोलन समितीतर्फे *आमरण उपोषणाचे आंदोलन* उभारण्यात येईल असे समितीने यावेळी जाहीर केले.
फोटो
निवेदन देतांना समितीचे अध्यक्ष सुभाष चौधरी,शिवाजी पाटिल, देविदास देसले,डी. एम.पाटिल,सुनिल पवार,पुरुषोत्तम शेटे,प्रशांत भदाणे,रणजित शिंदे, अड.रज्जाक शेख, रामराव पवार,सतिष काटे,अजय पाटिल,रवी पाटिल,गुलाम नबी,नावेद शेख, आदिउपस्थित होते तर आंदोलनात हिंमत पाटिल, नगरसेवक सलिम टोपी, वसंत पाटिल, रोहन मुंदडा,हिंमत देसले, रियाजिद्दीन शेख,विनोद पाटिल,नरेंद्र पाटिल,किरण पारधी,प्रविण माळी,प्रशांत पाटिल,सचिन जैन,आप्पा पारधी,प्रदीप पाटिल,जगन्नाथ पाटिल,मसूद खा रशिद खान,राजू महाराज, अंबादास पाटिल आदिंसह मोठ्या संख्येने आंदोलनकर्ते सहभागी होते.निवेदनावर भारती गाला,डॉ.अपर्णा मुठ्ठे, मिलिंद डेरे,प्रविण माळी आदिंसह अनेकांच्या स्वाक्षऱ्या होत्या.
