देवगांव देवळी हायस्कूलमध्ये ईश्वर महाजन यांचा सत्कार
अमळनेर प्रतिनिधी- देवगांव देवळी येथील महात्मा जोतीराव फुले हायस्कूलमध्ये नुकताच सत्कार समारंभ झाला. कार्यक्रमाचे अध्यक्ष संस्थेचे अध्यक्ष विलासराव पाटील होते.कार्यक्रमाची सुरुवात सावित्रीबाई फुले व महात्मा फुले यांच्या प्रतिमापुजन करण्यात आले.
शाळेचे उपक्रमशील शिक्षक व सांस्कृतिक प्रतिनिधी ईश्वर आर महाजन यांची नुकतीच पुज्य सानेगुरूजी ग्रंथालय व मोफत वाचनालय अमळनेर याठिकाणी संचालकपदी निवड झाल्यामुळे संस्थेचे अध्यक्ष विलासराव पाटील शाळेचे मुख्याध्यापक अनिल महाजन शिक्षक एस.के.महाजन, एच ओ.माळी, अरविंद सोनटक्के,शिक्षकेतर कर्मचारी एन.जी.देशमुख, संभाजी पाटील, गुरूदास पाटील व धुळे येथील सामाजिक कार्यकर्ते गणेश चव्हाण यांनी सत्कार करून शुभेच्छा दिल्या.
अध्यक्षीय भाषणात शाळेचे अध्यक्ष विलासराव पाटील म्हणाले कि कोणत्याही स्पर्धेत भाग घेणे महत्त्वाचे असते.यश अपयश या वेगवेगळ्या गोष्टी आहेत.स्वताला सिध्द करायचे असेल तर स्वाताला कामात व स्पर्धेत झोकुन दया.यश तुमचेच आहे.फक्त शिक्षकी पेशापुरते मर्यादित न राहता वेगवेगळ्या स्पर्धेत भाग घेऊन सामाजिक बांधिलकी जोपासण्याचे काम करावे असे सांगितले.
सुत्रसंचालन आय.आर.महाजन यांनी केले तर आभारप्रदर्शन एस.के.महाजन यांनी केले.
