 |
बोरघर / माणगांव ( विश्वास गायकवाड ) माणगांव तालुक्यातील जेष्ठ पत्रकार अनिल मोकाशी यांची मातोश्री नलिनी चंद्रकांत मोकाशी यांचे माणगांव अमित काॅम्प्लेक्स येथे त्यांच्या राहत्या घरी वयाच्या ८५ व्या वर्षी अल्पश्या आजाराने शनिवार २६ ऑक्टोबर रोजी दु.खद निधन झाले.त्यांच्या पश्च़ात पती ,तीन मुले, तीन मुली, नातवंडे,पतवंडे असा मोठा परिवार आहे.
नलिनी चंद्रकांत मोकाशी नेहमी सर्वांच्या सुख दुःखात सहभागी होत असत. पत्रकार अनिल मोकाशी आणि त्यांच्या कुटुंबाच्या संपूर्ण प्रगतीच्या जडणघडणीत व त्यांना संस्कारक्षम बनवण्यात त्यांच्या या मातोश्रींचा सिंहाचा वाटा होता. शैक्षणिक, सामाजिक, धार्मिक आणि सांस्कृतिक क्षेत्राची आवड असलेल्या या नलिनी मातोश्री स्वभावाने अत्यंत पेमळ आणि मनमिळाऊ वात्सल्याच्या मूर्तीमंत उदाहरण होत्या. सर्वांच्या सुख दुःखात हिरीरीने सहभागी होणार्या नलिनी चंद्रकांत मोकाशी यांच्या दुःखद निधनामुळे संपूर्ण मोकाशी आप्त परिवारावर दुःखाचा डोंगर कोसळला आहे.
त्यांचा शेवटचा दशक्रिया विधी ०४ नोव्हेंबर रोजी माणगांव मधील अमित काॅमपलेक्स निजामपुर रोड येथे आयोजित करण्यात आला असून त्यांचे कार्य ०७ नोव्हेंबर रोजी कोलाड येथे नाना नानी पार्क जवळील त्यांच्या मूळगावी असलेल्या घरी आयोजित करण्यात आले आहेत.
