पुज्य सानेगुरुजी वाचनालय व ग्रंथालय अमळनेर येथे वाचन प्रेरणा दिनानिमित्त विविध कार्यक्रमांचे आयोजन.

अमळनेर प्रतिनिधी(ईश्वर महाजन)
अमळनेर      येथिल पू. सानेगुरुजी ग्रंथालय व मोफ़त वाचनालायतर्फे  भारतरत्न दिवंगत राष्ट्रपती ए. पी.जे अब्दूल कलाम यांच्या जयंती निमित्त १५ ऑक्टोबर रोजी अभिनव "वाचनध्यास" कार्यक्रम आयोजित करण्यात आला आहे.
            वाचन ध्यास च्या माध्यमातून वाचकांना व श्रोत्यांना सुप्रसिद्ध पुस्तकावर आधारित अभिवाचन करण्याची आणि संबंधित पुस्तकावरील विविध मान्यवर साहित्यिक विचारवंतांची  संदर्भपूर्ण चर्चा ऐकण्याची संधी दोन सत्रात उपस्थितांना मिळणार आहे.
          राज्य मराठी विकास संस्था मुंबई व पू. सानेगुरुजी ग्रंथालय व मोफत वाचनालायतर्फे  १५ ऑक्टोबर सोमवार रोजी  वाचनप्रेरणा दिवस २०१८ साजरा केला जात आहे. "वाचनध्यास" उपक्रम म्हणून सलग ४ तास वाचन या उपक्रमाचे उदघाटकीय सत्र संपन्न होईल. सकाळी ९.३० ते दु २ वाजेपर्यंत चालणाऱ्या
या सत्रास प्रमुख अतिथी म्हणून प्रा.अशोक पवार, श्यामकांत भदाणे आदि मान्यवर उपस्थित राहतील.
             'वाचन ध्यास' चे द्वितीय सत्रात सायंकाळी ६ ते८वाजेदरम्यान होणाऱ्या "अभिवाचन" या कार्यक्रमात सुप्रसिद्ध पुस्तक व त्यावरील चर्चा कार्यक्रमात साहित्य चळवळीतील भाऊसाहेब देशमुख, संदिप घोरपडे, रणजित शिंदे, प्रा.संदिप नेरकर,अरुण सोनटक्के आदींसह मान्यवर सहभागी होणार आहेत.
              वाचनध्यास कार्यक्रमास सर्व वाचक व श्रोत्यांनी आवर्जून उपस्थित राहून सुप्रसिद्ध पुस्तकावरील  साहित्यचळवळीतील मान्यवरांच्या अभिवाचनाचा व चर्चा ऐकण्याचा लाभ घ्यावा असे आवाहन संस्थेचे अध्यक्ष दिलीप सोनवणे,सचिव प्रकाश वाघ,उपाध्यक्ष सौ. माधुरी भांडारकर,विश्वस्थ चंद्रकांत नगावकर सहसचिव सुमित धाडकर व कार्यकारी मंडळ पदाधिकाऱ्यांनी प्रसिद्धी पत्रकाद्वारे केले आहे.