दारूबंदीसाठी महात्मा गांधी जयंतीपासून समाजसेवक पकंज पाटील यांचे दहिवद येथे दारूबंदीसाठी आंदोलन. गावातील असंख्य महीला, पुरूष उपोषणात होणार सहभागी.

दारू बंदी साठी २ ऑक्टोबर २०१८ रोजी भजन , पारंपारिक वाद्यांसह पंकज पाटील  यांचे गावांतील असंख्य महिला ,पुरूषांसह दहिवद गावांत आमरण उपोषण .

सामाजिक कार्यकर्ते पकंज पाटील यांनी समाजसेवक आण्णा हजारे यांच्यांशी केली चर्चा

अमळनेर प्रतिनिधी(ईश्वर महाजन )

दहिवद ता.अमळनेर येथे  सरास  देशी –विदेशी दारू विकली जात आहे. त्यासाठी वेळोवेळी ग्रामसभेत ठराव करून पोलिस स्टेशन मध्ये दिलेले असतांना देखिल आजपावेतो अमळनेर पोलिस स्टेशन मार्फत कुठलीही कार्यवाही करण्यात आलेली नाही .परिणाम स्वरूप गावांत सरास हात भट्ट्या लावल्या जातात .देशी विदेशी  दारू सहज उपलब्ध होत असल्याने गावांतील राजकीय लोक स्वतःच्या राजकीय फायद्यासाठी तरुणांना दारू पाजून गावांत भानगडी लावतात . ज्या तरुणांकडून शुद्धीवर मुंगी मारली जाणार नाही अश्या तरुणांना दारू पाजून जीवे ठार मारण्या इतपत  कृत्य करून घेतले जात आहे. संपुर्ण अमळनेर तालुक्यात अवैध दारू विक्री सरास चालू असून अवैद्य  दारू विक्री  बंद करण्यास अमळनेर पोलिस प्रशासन अपयशी ठरत आहे.दहिवद गावांतील राजकीय वरदहस्त ,मसलपावर व  आर्थिक सदृढ लोकांकडून गरीब व गरजू तरुणाना दिशाभूल व दिशाहीन केले जात आहे.

      परिणाम स्वरूप गावांत तणावाचे वातावरण निर्माण होवून दोन समाजांमध्ये तेढ  ,वैमनस्य निर्माण होत आहे. या सर्व  गावाची  कारणामुळे शांतता व सुव्यवस्था बिघडत असून अमळनेर पोलिस स्टेशन जाणीवपूर्वक दुर्लक्ष करत आहे.  राष्ट्रपिता महात्मा गांधी यांनी सांगितलेल्या अहिंसापर  मार्गावर जात पंकज उर्फ श्यामकांत पाटील हे  २ ऑक्टोबर २०१८ रोजी  गांधी जयंती  निमित्त मौजे दहिवद ता.अमळनेर जि.जळगांव येथे ग्रामपंचायत दहिवद कार्यालयासमोर आमरण उपोषणाला बसत आहे.आजतागायत त्यांनी अमळनेर तालुक्यात तहसिल कार्यालयासमोर ४ वेळा उपोषण केले आहे .त्यात पहिल्या वेळेस ७ दिवस ,दुसऱ्या वेळेस १३ दिवस ,तिसऱ्या वेळेस ३ दिवस व चौथ्या वेळेस १ दिवस असे उपोषण त्यांनी आजपर्यंत केलेले असून त्यांनी तालुक्यातील गैरकारभार करणाऱ्या आठ रेशन दुकानदारांचा रेशन परवाना रद्द केला आहे. 

 जोपर्यंत गावांत संपुर्ण व कायमस्वरूपी  दारूबंदी होत नाही तोपर्यंत मी माझे उपोषण मागे घेणार नाही असा इशारा त्यांनी अमळनेर पोलिस स्टेशनला दिलेला आहे. त्यासाठी त्यांनी एस.पी. जळगांव , जिल्हाधिकारी जळगांव , आयुक्त नाशिक, विशेष पोलिस निरीक्षक (नाशिक), सचिव मंत्रालय व मा.मुख्यमंत्री देवेद्र फडणवीस व आपले सरकार यांच्याकडे अमळनेर पोलिस स्टेशनची online तक्रार दाखल केली आहे .

फोटो

दहिवद येथील सामाजिक कार्यकर्ते पकंज पाटील यांनी उपोषणाबाबत समाजसेवक आण्णा हजारे यांच्याशी केली चर्चा

छाया ईश्वर महाजन अमळनेर