सानेगुरुजी कन्या हायस्कूल मध्ये पालक विद्यार्थिनी शिक्षक मेळावा संपन्न
अमळनेर प्रतिनिधी- सानेगुरुजी कन्या हायस्कूल अमळनेर येथे नुकताच पालक विद्यार्थिनी शिक्षक मेळावा संपन्न झाला कार्यक्रमाचे अध्यक्षस्थानी पालक विठ्ठल पाटील होते तर प्रमुख अतिथी
संस्थेचे सचिव संदीप घोरपडे मुख्याध्यापिका श्रीमती अनिता बोरसे पालक प्रतिनिधी गीतांजली घोरपडे व शिक्षक प्रतिनिधी विलास चौधरी होते. कार्यक्रमाची सुरुवात साने गुरुजी यांच्या प्रतिमेचे पूजन करून करण्यात आली.
पालक सभेत विषय गुणदान पद्धती ,विद्यार्थिनींची उपस्थिती, शालेय पोषण आहार योजना ,विविध समस्या शाळेत राबविले जाणारे विविध अभ्यासपूरक उपक्रम, विविध विषयांच्या स्पर्धा परीक्षा ,विविध शिष्यवृत्ती परीक्षा या विषयावर सविस्तर चर्चा करण्यात आली पालकांनी आपल्या मनोगतात शाळेविषयी व संस्थेविषयी शालेय प्रशासन विश्वास व्यक्त केला सर्व शिक्षक वृंद यांचे कौतुक केले प्रसंगी हरित सेना योजनेअंतर्गत मान्यवरांच्या हस्ते वृक्षारोपण करण्यात आले. मुख्याध्यापिका श्रीमती अनिता बोरसे यांच्या मार्गदर्शनाखाली हरित सेना योजना प्रमुख मनीषा वैद्य मॅडम व विद्यार्थिनीनी विशेष परिश्रम घेतले .तसेच मंगळग्रह संस्थान अमळनेरचे अध्यक्ष डिगंबर महाले व त्यांचे विश्वस्त मंडळ अमळनेर तालुक्यातील काही गरजू विद्यार्थ्यांना शालेय दप्तर उपलब्ध करून दिल्यामुळे त्यांचा संस्थेच्या वतीने आभार व्यक्त करून गरजू विद्यार्थ्यांना मान्यवरांच्या हस्ते शालेय दप्तराचे वाटप करण्यात आले .कार्यक्रमाचे सूत्रसंचालन श्रीमती धनश्री वानखेडे यांनी केले आभार प्रदर्शन दिपक महाजन यांनी केले कार्यक्रमात विविध विषयात गुणवत्ताप्राप्त विद्यार्थ्यांचा सत्कार मान्यवरांच्या हस्ते करण्यात आला. कार्यक्रम यशस्वी करण्यासाठी शाळेतील शिक्षक वृंद यांनी प्रयत्न केले.
